AizOrratz-Veleta

  • Facebook

Elkartea - Sociedad Recreativa

Aiz Orratz - Veleta

Gorosabel 46, behea

20400, Tolosa

  • veletaaizorratz

Eskopetari konpainia berria, aurtengo Sanjoanetarako

Aiz-Orratz elkarteak eskopetari konpainia berria sortu du, eta parte hartu nahi duen orori izena emateko dei egin dio. Maiatzaren 24ra arte izango da horretarako aukera.

Eskopetari konpainietako kapitain guztiak, bilduta

San Joan egunean 16 eskopetari konpainia izango dira, aurrerantzean, Tolosan. Aiz-Orratz elkarteak taldea osatuko du aurtengo ekainaren 24rako, elkarteko gazte batzuen ekimenez.


Iker Galarza izango da kapitaina, eta herritar orori parte hartzeko gonbidapena luzatu dio, guztion artean “festa egun paregabea pasatzeko asmoz”.


Izena-emateko epea maiatzaren 24an amaituko da. Horretarako, bazkideren bati elkartean bertan izena emateko esan, edo email bat bidali beharko da veleta.sanjoanak@gmail.com helbidera. Horrekin batera, honako datuak jarri beharko dira:

  • Izen-abizenak

  • Jaiotze data

  • NAN zenbakia

  • Telefono eta email datuak

  • Konpainian bete nahiko lukeen funtzioa (txirula, eskopetaria…)

  • Elkarteko inor ezagutuz gero, haren izen-abizenak

Epea amaitu ostean, izena eman duten guztiei bilera baterako deialdia egingo zaie. Bertan zehaztuko dira jantzia egiteko jarraibideak (dagoeneko lotua dugu Tolosako jostun batekin). Bestalde, aipatu, lehen urteko gastuetarako laguntza izango dela izena ematen dutenentzat.


#vacaciones

110 vistas